Sainik School, Punglwa nung ‘Run for Unity’ sentong agi

Dimapur, Mongputeni/October 31 (TYO): Sardar Vallabhbhai Patel-i linük tenzükba mapatem bilemteta pa asoba anogomong, Mongputeni/October 31, 2018 nü Sainik School, Punglwa-i ‘run for unity’ sentong ayongzüka agiogo, ta tanü Col C Konwer, PRO (Defence)-i sangdong ka ajanga metetdaktsü.
Tanep Principal Group Capt Sharad R Keskar-i iba sentong tenzükja liasü.
Asemtepba sentong ayongzükba nükjidong ya ‘Unity in Diversity’ osang proktsü aser loktiliba junga yangertsü atema telongjem tashi itdaktsütsü atema liasü.
Iba sentong nung cadets, staff aser officers ajaki shilem agi. Shilem agirtemi ‘Run For Unity’ omen nung kilometer 4 asem.
Iba anogomong sentong dak sendakba nung special assembly ka agia Cdt Kipa Amak-i ‘Sardar Vallabhbhai Patel’ onük jembi aser Cadets den staff temi ‘Rashtriya Ekta Diwas’ tenangzükba agia linük telongjem aser security wazüka ayutsü nangzük.