SAKHI-OSC tanabuba senden amen

Wokha, Rongjui/September 25 (TYO): Sakhi-One Stop Centre tanabuba consultative senden September 25, 2019 nü DC Office Conference Hall, Wokha nung District Level Management Committee den menogo, ta ketdangsertem osang ka ajanga metetdaktsü.
Deputy Commissioner Wokha, Dr. Manazir Jeelani Samoon, IAS mendenbuba ser amenba senden nung Centre Administrator, OCS Wokha, Renthunglo Kikon-i power point presentation ajanga OSC-i inyakba osang tejangja metetdaktsü.
Laisa team-i awareness program agiba aser tang tashi nung ayimjemba osang metetdaktsüba den külemi nüburtem den külemi inyakdang Centre-i ajangshibatem lemsatepa liasü.
Iba senden nung SDO (Civil), Ajit Kumar Verma, IAS den Project Director (DRDA) Rural Development Department, Thungdeno Mozhui, President Eloe Hoho Wokha, Zuchobeni Ezong, Secretary Wokha District Legal Services Authority (WDLSA) aser SDPO Wokha, Imkongsangba Jamir densema department balala nungi district nung tekolakpurtem aden.
O lemtepba mapang nung iba Centre maparen junga inyaktettsü atema department balalai tebilemba lemsatep. Ajioda DC Wokha, Chairperson aser Centre Administrator-i akokba tashi itemji mapa küma inyaktsü, ta metetdaktsü.