Sakus Mission College nung ‘Candle light service’ ka agi

Dimapur, Tsüklai/February 20 (TYO): Jammu and Kashmir kübok February 14 nü kiralongrartemi Pulwama amakba anema nokdakba sayua North East Zone-II, Student Christian Movement of India den Sakus Mission college SCMI unit aser Hostellers temi Sakus Mission College, Dimapur nung ‘candle light service’ ka ayongzüka kaogo.
Iba sentong ya Konglenshe lenisüba kübok aka aser North East Zone-ll, Programme Secretary Vito-i sarasadema tenzük. Sentong nungsa Tolly Yeptho-i sarasadem sentong ayongba indang rasaa ashi aser ojembir metetpelaa liasü.
Shitovi Sumi (NCCI Co-ordinator)-i linük yimjung nung alitsü koda tongtibang iba indang jembia liasü aser lanurtem dang iba amala inyakyim tamajung anema nokdaktsü ayongzük. Maneni pai iba onük ya lenla asem; TAR’ koba tetezü Transparency, Accountability aser Responsibility lir iba nung ajemdaker asadang. Iba onük dak ajemdaker pai lanurtem dang khuret abenba senso tajung kaka asütsü ajungshi.
Iba sentong ya shimo milen tsükloka asür kibongtem aser humanity atema Tokato Yeptho, (WSBAK, E.S., P.A.)-i sarasademer tembang. Iba sentong nung nisung 60 shi arua aden.