Sakus Mission College nung onük jembiba tetoktepba agi

Dimapur, November 09 (TYO): November 09, 2017 nü Sakus Mission College, Landmark colony Dimapur nung ‘Vigilance Awareness Week’ dak sendakba nung ‘My Vision Corruption Free India’ omen nung ajemdaker onük jembiba tetoktepba sentong ka agi.
Iba sentong ya North Eastern Development Finance Corporation LTD. (NEDFi) Dimapur-i sponsor asü.
Tetoktepba nung shilem agir parnok 10 nungi B.A 6th semester, Daniel-i Best Orator Award angu aser tanabuba den tasembuba jenjang nung takok angurji B.A – 6th Semester nungisa SP. Akashe aser Kr. Bendangkumla na liasü.
Iba sentong ya Asenla Yanger (Asst. Prof. English) leniba nung agi, NEDFI Dimapur Branch Manager, Vimeyiel Richa-i tayongzükba o jembi aser Detono Tepa (AM, NEDFi)-i tepela anküp o jembia sentong tembanga liasü.