Sakutemjen Memorial volleyball asayamong asaya

Dimapur, Jan.25 (TYO) : Asür Sakutemjen tenüng nung tentetba, Sakutemjen Memorial Volleyball asayamong sentong ka Chungtiayimsen nung January 23 nü Nagaland Industries & Commerce department nung Director, Wb.I. Bendanglibai lapoktsüogo.
Iba sentong nung tongti tesemdanger, Wb.I.Bendanglibai jembidang, “asür Sakutemjen ya meranga inyakba nisung ka liasü. Pa ya ochishir lenir tajung ka liasü ta paisa ashi.
Paisa lanurtem dang tajangzük aketba mapa purapiteta inyaktsü ajungshi aser Industries & Commerce department-i a akok tashi yariteptsü ta metetdaktsü.
Wb.Bendanglibaisa Tzürangkong nung tesem ajaklen nübortem ajangzüktsüsa REM teloki nübortem nüngdak reprangteta mapa tapu balala inyaktsüba asoshi pelaba metetdaktsü.
Iba sentong nung tongti tesemdanger, Wb.Bendangliba den par department nung ketdangsertem aser REM Group nung tongti ketdangser Wb.Temjen Imna Along Lkr aser pa den inyakertem aika dena liasü.