Salah, Mane & Keita CAF atema nominate süogo

Luchii/December 1, 2018 (Agencies): Liverpool nungi asayar Mohamed Salah, Sadio Mane aser Naby Keita nunger 2018 African Player of the Year award atema nominate asür asayar 34 rongnung densemogo.
Egypt nunger asayar Salah-i Liverpool nungi mezüng asayaba küm asayamung ajak nung goal 44 agütsüba sülen iba award agizüka liasü.
Senegal nunger asayar Mane-i Liverpool nungi iba season kanga junga asayadar aser Guinean Keita, German Bundesliga club RB Leipzig nungi küm tom nung English premir league-i aruba sülen kanga junga adapt süa asayadar.
Taoba mapang African Player of the Year award angur Algeria nunger Riyad Mahrez (Manchester City) aser Gabonese Pierre-Emerick Aubameyang (Arsenal) nungera iba award asoshi tetokteper rongnung densema lir.
Premier League nung asayar Nigeria nunger Alex Iwobi, Senegale nunger Idrissa Gueye aser Ivory Coast nungi asayar Wilfried Zaha nungera nomination list nung densema lir
Best coach award atema parnok 10 nominate süa aliba rongnung France nunger Nicolas Dupuis aser Corentin Martins na densema lir.
Dupuis lenisüba kübok Madagaascar tang mezüngbuba Africa Cup of Nations nung asayatsü asoshi qualify süogo aser kasa mapang nung Martins-ia, Mauritius team den kasa jenjang ajngzükogo.
Madagascar aser Mauritania team national team award asoshi Guinea-Bissau, Kenya, Uganda aser Zimbabwe nunger den züngoksema lir.
Award angurtem Aenjeti/Jan 8 nü Dakar nung sentong ka agia sangdongtsü.