Salim Merchant-a ‘The Voice India Season 2’ nung coach asütsü

Mumbai, November 15, 2016 : Kentener aser music mejemer Salim Merchant-a “The Voice India Season 2” coach tem rongnung densemogo.
Taoba mapang iba sentong nung kentener Shaan, Sunidhi Chauhan, Mika Singh aser Himesh Reshammiya nungeri iba mapaji inyaka liasü. Tan mongpu atema coach tangatem tenüng ano khen lirang metetdaktsütsü.
“‘The Voice India Season 2’ nung nia coach ka ama shilem agitsüsa maongka anguba atema kanga pelar. Iba sentong nung kententsü sempet alirtem yimya balaka nung apuer,” ta Merchant-i sangdong ka ajanga metetdaktsü.
Pai, “Iba sentong nung ‘blind audition’ ni kanga jangrar. Iba audition nung tetendangertemi kentener tejak mereprangi ola kija angar parnok obendang agütsür. Iba sentong nung kentenertemi pei coach shimer telok tententetba sülen toktepbaji coach tem aser tereprangertem atema jangratemtsüka asü,” ta shisem.