Salim-Sulaiman-i MCL atema naklu ken mejemtsü

January 04, 2016: Nübur ajaki meta aliba ken mejemer Salim-Sulaiman-i cricket asaya nungi anisüngzüker alirtem asayaba asayamung, Masters Champions League (MCL) nung shilem agitsü aliba ‘Capricorn Commanders’ telok atema naklu ken mejemtsütsü, ta Hombarnü metetdaktsüogo.
MCL ya January 28 nungi February 13 tashi Dubai aser Sharjah Cricket Stadiums tem nung asayatsü sentong lir. Capricorn Commanders telok indang kiburji business nung tettsüdi Parvez Khan aser Bollywood actor Sohail Khan na lir.
“Salim-Sulaiman ama ken mejemtsü sempet tajung keta alir onoki anguba atema kanga pelar. Tenati mejemba naklu ken ajanga nübur ajak mulungjang nung kongshitsü imlar,” ta Parvez Khan-i sangdong ka ajanga ashi.
Salim-Sulaiman-i, “Capricorn Commanders atema naklu ken mejemtsü atema kanga pelar. Onoki iba asayamung asoshi kanga yongya-a atar aser iba ken ajanga nübur ajak dak kongshitsü imlar,” ta ashi.