Salma Hayek kou tatsü küma mejepogo

January 15, 2016:  Actress Salma Hayek-i comedy movie “Drunk Parents” nung shilem agitsü asoshi la kou tatsü küma mejepogo.

Arishi küm 49 tain, Hayek ya Alec Baldwin den külemi tongti shilem agitsü. Iba film ya Teagartens, kibong indang otsü lir aser iba otsü nung Teagartens par jala kaketrejudak tesem nung meinoktsür arudang miim mozü kar chisemer sen meshitsü asoshi nisung apuba dena meyimlaba tatalokba kar ajurur, ta femalefirst.co.uk ajanga metetdaktsüogo.

Hayek-i la meyong kou talang mejepadokogo aser lai kecha mesasar ta Instagram nung lemsatepogo.

La kou mejepba sülen la sasa tangokba noksa kübok la-i, “Comedy flim ‘Drunk Parents! Atema kou tatsü küma mejepshiogo. #comedy #selfie #new #hair #drunk #parents #shorthairdontcare (sic),” ta instagram nung lemsatepa liasü.

“Drunk Parents” film ya Fred Wolf-i direct asü aser Robert Ogden Barnum-i co-produced asü.