Salman, Anushka aser ‘Sultan’ director anema ken o benok

Muzaffarpur, July 12 (Agencies) : Nisung kati Bollywood superstar Salman Khan, actor Anushka Sharma, film director Ali Zafar Abbas aser tangartem anema ashioktsüba ken o ka benokogo.
Iba ken o ya of Muzaffarpur nung alir Mohammad Sabir Ansari (Sabir Baba)-i July 8, 2016 nü benok.
Taoba hopta sayaba Bollywood film ‘Sultan’ nung tongti shilem agir Salman Khan-i pa indang taküm otsü nung ajemdaker yangluba film ka atema sen crore 10 agütsütsü ta nangzük, ta Mohammad Sabir Ansari-i benokba FIR nung shia lir.
2010 küm Sabir-i Salman Khan dang pa indang otsü ashi aser idangji Salman-i pa taküm otsü nung ajemdaker film ka yanglura sen agütsütsü ta nangzük, ta Sudhir atema okatsür Sudhir Kumar Ojha-i ashi.
Mongulbarnü iba ken o ya CJM, Muzaffarpur, Ram Chandra Prasad matsüngdang benok aser pai July 26, 2016 nü Judicial Magistrate First Class, S K Tripathi indang okadak nung angadangtsü atema anogo latettsü.
Iba ken o ya IPC nung Arla 420, 406. 504 aser 506 nungertem kübok benoka lir.