Salman den külemi shilem agibaji tansütsü tajung : Sonam Kapoor

Melbourne, August 18 (Agencies) : Bollywood actress Sonam Kapoor-i superstar Salman Khan den külemi tanaben shilem agitsü maongka anguba atema kanga pelar ta metetdaktsü.
Sonam-i 2007 küm “Saawariya” film nung Salman den külemi shilem agia mezüng Bollywood nung ajemok.
“Kü mezüngbuba Saawariya film sülen küm trok lir Salman den külemi shilem agitsü maongka anguba asoshi kanga pelar” ta lai ashi.
Bollywood actress Sonam tang Indian Film Festival of Melbourne (IFFM) nung shilem agitsü atema arua lir.
Küm 8 tashi showbiz nung shilem agiba ajanga la taküm nung temelenshi ali asü mali ta asüngdangdang, “Ni kasa dang saka küm aika showbiz nung shilem agia arudang mapa tali angateta kümogo” ta Sonam-i langzü.
IFFM tenzüker anogo anabuba nung Sonam Kapoor-i Anamika Khanna atema tongti shilem agi. Iba mapang fashion shown aser awards ceremony agia liasü
Sonam-i fashion atema olen ka ashidang. “na temelenshi, na sadoka sobuang aser tangar kechi bilemtsü ta tebilem” ta ashi.
“Asenok India tsürtemi tangar atema sobusolemtsü bilemer. Iba ya India nunger yimya ka ama lir. Nai nütsü, nü kinungbo tetsü, kinungbo mesüra netong peladaktsütsü atema sobur” ta laisa shisem.