Salman-i Big Boss sentong nung Shah Rukh jaok

December 07, 2015: Actor Salman Khan aser Shah Rukh Khan nati screen nung külemi shilem, agiba repragnüa alirtem atema osangtajung kaji, Bollywood nung nüngtugu actor anapronglai sabang ka nung shilem agitsü.

Bigg Boss yasüng episode nung Ranveer Singh-i ‘Bajirao Mastani’ nung shilem agiba atema Salman-i pa asaya menüja liasü. Iba film nung tongti shilem agitsü Salman dang asüngdanga liasü, ajisüaka pai memulung. Ranveer asayatsüba mapang tetsüngda nung Salman-i, taruba hopta episode nung Shah Rukh Khan ‘Bigg Boss 9’-i arutsü aser pa indang film ‘Dilwale’ ajungkettsütsü ta metetdaktsü.

Salman-i asayamenüa, “Ni ‘Bajirao-Mastani’ nung shilem agi asübo koma ka süla,” ta ashi.

Paisa, “Ni yangi ketdangser ka ama shilem agiba den külemi Shah Rukh Khan den kü film ajungkettsü süla,” ta ashi.

Iba mapang nung Ranveer-i ola madokai nokdaka tera akkseta dang menürem.