Salman-i Madhya Pradesh tourism & heritage ajungkettsütsü

Metsüremi/March 09 (Agencies): Indore yimti nung soa intetsang Salman Khan-i Madhya Pradesh tourism aser heritage ajungkettsütsü, ta osangtem ajanga metetdaktsü.
Bollywood superstar Salman Khan, shiba Madhya Pradesh state kübok Indore yimti nung soa intetta aser pa lanuwa tashi iba tesem nung lia liasü, pai state indang tourism aser heritage ajungkettsütsü atema tejangraba lemsatepogo. Tourism aser heritage tesemtem reprangdanga maparen inyak tenzüktsü atema April 1 nungi tenzüka April 18, 2019 nü tashi Salman Khan Madhya Pradesh state semdangtsü, ta Chief Minister, Kamal Nath-i metetdakja liasü.
Salman tebu Salim Khan shiba scriptwriter liasü, pa aser par kibong Mumbai-i marudang Salman Indore yimti nung aso aser lanuwa iba tesem nung lia liasü. Ibayongji, Salman-i pa soa intetba tesem – Indore, Madhya Pradesh nunger sobaliba aser libaliro tera ajak rajema lir.
Nath-i ashiba agi, Salman Khan den iba maparen atema phone nung sensaksema aser yaritsü atema asüngdangba mapang pai mulunga liasü.
Congress party otongdar osang ka ajanga angazükba agi, Madhya Pradesh state nung tourism & heritage atema actor Salman brand ambassador shimtsü.
Ajisüaka, iba osang dak sendakba nung telemtetba tejangja ka agüja mali.
Acting tsütsü reprangdangra, tawa Salman Khan-i pa indang taruba film ‘Bharat’ tangokzükmaogo, ta osang ajanga metetdaktsü.
Iba film nung Salman den külemi Katrina Kaif shilem agiba angutsü.
Bharat film ya taküm küm Eid benjungmung mapang nung sayatsü ternemba lir.