Salman -i ni nüngdaka aliba mapang yari: Shetty

October 3, 2015: Suniel Shetty aser Salman Khan na film industry-i külemi ia shilem agitsü tenzük aser küm 30 tashi tena tsüngda tesendaktep meraksai lir.

Actor Suniel Shetty-i pa tembar Salman Khan tena tsüngda tesendaktep tajung aliba lemsatepa mapang pai, “Bajrangi Bhaijaan” nung shilem agisang, Salman Khan-i pa khen mapang ka tensa tasak ajurudang metoktsüi nungitba bilemteta liasü.

“Ni kiyimba mapang Bollywood nung tembar ajak agi ‘Bhai’, Salman Khan ang liasü. Ni kibong akümtsü lia ni shilem agiba film ka sayatsü liasü aser iba film takok angutsü mangutsüar ashitsü mokoki liasü. Iba mapang aser ibaji masüdang nungi Salman-i kena metoktsüi nungita liasü. Pa den külemi Bollywood nung shilem agiba ya jangratemtsüka lir,” ta Suniel-i ashi.