Salman-i shilem agiba ‘Sultan’ film UP nunga tangoktsü

Lucknow, April 16, 2016 : Taküm Eid benjung mapang sayatsü aliba film ka nung tang actor Salman Khan shilem tagidak lir aser iba film ya taruba hopta nungi UP nung tangoktsü, ta Honibarnü ketdangsertemi ashi.
Yash Raj Film (YRF )-i produce asütsü aliba ‘Sultan’ film ya April 20, 2016 nü nungi Muzaffarnagar kübok Morna tesem telungtet nung tangoktsü, ta film yanglurtemi state sorkar dang ashi.
UP Film Development Council nung vice-chairman Gaurav Dwivedi-i, YRF nungi ketdangser taintemi iba film tangoktsü asüngdanga state sorkar dangi shiti ka züluogo, ta IANS osangbenertem dang ashi.
“Chief minister Akhilesh Yadav-i state nung film tangoktsü melatsü ta sangdongba nung süngjang atangtsü tenzükogo,” ta Dwivedi-i ashi.
Tanga tesemtem nung ama Uttar Pradesh nunga Salman Khan kanga nüngtugu lir. Iba film tangoktsü atema film ketdangsertemi state sorkar dang nungi nüngdakba teyari ajak meshiogo aser balakata security dena meshiogo.
“Sultan” film ya Ali Abbas Zafar-i direct asür aser Yash Raj Films kübok Aditya Chopra-i produce asür.
Kasa film nung Anushka Sharma-i, melangteper Sultan Ali Khan ama shilem agir Salman den külemi tongti shilem agidar.