Salman Khan ama tagütsünü süner: Swara Bhaskar

November 12, 2015: ‘Raanjhanaa’ film actress Swara Bhaskar-i, lai Salman Khan ama tagütsünü süner, ta ashi.

Mumbai nung interview ka nung jembidang Swara-i, “Pa (Salman) ya India nung superstar tajungtiba, ajisüaka pa ya kanga tagütsünü nisung ka lir. Pa dak tagütsünüba tanelaji ni-a aginer,” ta ashi.

Swara-i Sooraj Barjatya indang film tasenba “Prem Ratan Dhan Payo” nung shilem agiogo. Tamasabo lai “Dabangg” star Salman Khan den külemi inyaksemtsü atema temelung moluteti liasü.

“Film tangok mezüngnü ni kanga aakseta liasü. Onoki scene tatembangbuba mezüng tangok aser pai-a (Salman) ni aaker ta metet. Pai ni sadok-sadoka kümdaktsü. Pai kü dang kanga jungogo,” ta lai ashi.

Iba film nung Salman Khan aianu ama shilem agila Swara-i, “Ano külenbo film nung pa den meimtepa madokba atema sasar. Iba film ya kü atema tatembangbuba masü mesüra Salman atema-a tatembangbuba masü. Künü anogobo künati shilem tajungba agitsü maongka angutsü ni imlar,” ta ashi.

Swara-i Sonam Kapoor den külemi “Prem Ratan Dhan Payo” nung shilem agisemba atema pelar. Tamalen Sonam tenati “Raanjhanaa” film nunga shilem agia lir.

“Prem Ratan Dhan Payo” film nung Neil Nitin Mukesh, Anupam Kher aser Armaan Kohli nungeria shilem agia lir..