Salman Khan aser Lulia Vantur na aniasüngogo ta jembidar

October 18, 2015: Bollywood Superstar, Salman Khan teno Arpita Khan Sharma kiyimba benjung nung pai Romania tsür, Iulia Vantur metetpelatepdaktsüba sülen nungi tena meimteper ta jembi tenzüka liasü.
‘Bigg Boss’ ketdangser Salman aser Iulia na miima aniasüngtepogo, ta tawa ka nungi olulu jembidagi.
Jagran.com osang ka ajanga ashiba agi, Salman aser Iulia na kuri (ring) melentepogo aser sangküm kibong akumtsü imlar.
Kasa osang ajanga, Iulia-i aniasüngba kuri ka inoker nguogo aser iba osangji Romania nunga jembidagi.
Ajisüaka tang tashi nung Salman mesüra Iulia napronglai iba indang kecha jembia mesüra sangdonga mali.