Salman Khan-i Bigg Boss 9 sentong maneni anitsü

New Delhi, August 20 (Agencies): Bollywood actor mongin, Salman Khan-i nungtugu television sentong, 9 buba Bigg Boss anitsü osang ka angazükogo.

Arishi küm 49 tain Salman-i 8 buba Bigg Boss sentonga ani saka kasaji Halla Bol ta tenüng melena atsünglangba yong pai sentong anitsü maparen toktsü ta BollywoodLife-i metetdaktsü.

“9 buba Bigg Boss sentong tangoktsü asoshi renemogo aser Salman azüngba anogotem nung iba sentongji tangoktsü renema lir,” ta osangi ashi.

Bigg Boss sentong yanglurtemi mezüngbo Akshay Kumar aser Ranveer Singh na nübo agia par sentong anidaktsütsü tebilemba liasü saka Salman-i tesüsaba Bigg Boss sentong anitsü onük agizükba yong tena nübo joko menungdaki akümba osanga jangjaogo.

Taoba mapang den tan anasü agi timba küma sentong anitsü taa sen agütsütsü agi mesüzükba sülen Bigg Boss sentong yanglurtemi Salman nübo alizükba osanga jangjaogo.

Taoba mapang, 2010 nung Salman-i Bigg Boss sentong aniba sülen pa melenzüka director, Farah Khan-i Halla Bol ta tenüng melenshia mapang talangba küma atsünlangba sentong ania liasü.

Prem Ratan Dhan Payo-i yangluba Sooraj Barjatya film nung Salman-i tang shilem tagidak lir.