Salman Khan-i Gurgaon nung pa sapurtem ajurutsü

September 04, 2015: Honibar nü Dabangg film nung tongti shilem agisang Salman Khan Millennium City-oa pai shilem agia aliba film ‘Hero’ ajungkettsü, iba mapang nungji pa sapurtemi pa den ajuruteptsü asoshi maongka angutsü.

Hero film nung pa den külemi tongti shilem agirtem, Sooraj Pancholi aser Athiya Shetty nungera pa den külemi ogo aser parnoki Ambience Mall-a semdangtsü sentong lir.

Salman Khan-i iba film produce asüba den külemi film nung tongti ken ka nunga shilem agia yaritepogo.

Hero film ya Nikhil Advani-i direct asü aser September 11 nü sayatsü. Iba film ya 1983 küm Subhash Ghai-i direct asüba film yanglushiba lir. Hero film tejenba nung tongti shilem agirtemji Jackie Shroff aser Meenakshi Seshadri na liasü.