Salman Khan-i kentener Palak Muchhal nem tenüngsang agütsür

New Delhi, August 21 (Agencies) : Bollywood actor Salman Khan-i industry nung aiben nisungtem nem tenüngsang agütsüba aser tangar pusemba atema kanga tetshir.

Ajisüaka, pai industry nung mezüngpur nem tenüngsang agütsüba dang masü saka meimchir asoshi mapa tajung inyakertem nema tenüng agütsür.

Tang Salman-i Twitter nung ‘Ice-cream Khaungi Kashmir Jaungi’ kentener Palak Muchhal nem tenüngsang agütsüogo.

Lai humanitarian mapa tajung inyakba atema Salman-i tenüngsang agütsü aser angazükba agi lai surgery 800 jungnüa atema sen teyari agütsüogo.

Palak aser tenu tanubosang Palash Muchhal nati kenten sentongtem nung shilem agir aser idak nungi aazükba sen jagi temulungjang tashidak aketer medical treatment atema teyari agütsür.

Iba ya dang masü Guinness Book of World Records aser Limca Book of World Records nung Palak-i social work tulu inyakba atema tenüng züluokogo.

Salman Khan-ia ‘Being Human Foundation’ ta ser charity organization ka lapoka lir aser pai Palak dang mapa tajung maneni inyaktsü ayongzük.