Salman Khan-i tetong Lulia den mapang intoker

New Delhi, April 23, 2016 : Ali Abbas Zafar-i direct asüba ‘Sultan’ film nung melangteper kanga mesüka shilem agitetba ajanga nübur ajaki kanga tuteta adoka jembisang, Salman Khan-i pa kanga mazüngi liaka tetong Lulia Vantur den mapang intoktsü atema mapang angur, ta osang ka ajanga metetdaktsü.
Times of India osang ajanga ashiba agi, Salman aser tetong-a ta mulung melemi bilemla, Lulia tenati Delhi nung teno Sohail Khan film tangokba tesem semdang.
Yangji teno den külemi shilem agila actress Bina Kak dena anir parnok südoksema kazütsü ao. Bina-i parnok kazüba noksa kar Instagram ajanga lemsatep, ajisüaka noksa nung Lulia dena aliba ajanga Salman sapurtem nem tamajung mebilemdaktsütsü atema lai item noksa tem inoktsüli intok.
Ashiba agi tena ya tangang masü saka tesüiba mapangtem nunga yamai külemi südoksenema kazüogo.