Salman Khan taküm otsü kaket pa arishi küm 50 ajung nü sayatsü

December 04, 2015: Jasim Khan-i züluba Salman Khan taküm otsü kaket, ‘Being Salman’ nung Salman dak atalokba aser par kibong tarensen rangben zülua lir, ta sangdong ka ajanga metetdaktsü.

Iba den külemi pai 1998 küm September aser October ita nung ‘Indian gazelle’ ana den ‘black buck’ ka kahsetba aser September 28, 2002 nü pai aniba gari agi nisung ka menüngset aser nisung pezü yirutsüba otsü dena zülusema lir.

Iba otsü kaket ya Salman Khan arishi küm 50 ajungnü (December 27, 2015) sayatsü sentong lir.

Salman-i 1988 küm mezüng ‘Biwi Ho To Aisi’ film nung shilem agi aser iba sülen Sooraj Barjatya direct asüba ‘Maine Pyar Kiya’ film nung tekümna shilem agia iba film ajanga kanga nüngtugu aküm.

Salman-i blockbuster Ek Tha Tiger, Dabangg aser Kick film tem nung tongti shilem agia lir aser küm 16 sülen Sooraj Barjatya-i direct asüba ‘Prem Ratan Dhan Payo’ film nung taküm shilem agi.

Taküm küm tetenzülen Salman-i ‘Bajrangi Bhaijaan’ film nung kanga temeim aketba nisung ka ama shilem agia liasü aser iba film ajanga India box office nung sen crore 300 aatet.

Pai film dak alaia ano ‘Being Human’ ta ser lokti ka tenteta lir.