Salman Khan’er ‘Bajrangi Bhaijaan’ ajanga ‘Kick’ otsü ajatetogo

New Delhi, July 20 (Agencies) : Salman Khan’er `Bajrangi Bhaijaan` ajanga otsü aika yanglutetdar aser `Baahubali` atema meranga tokteper ka kümogo.

Salman Khan ya Rs 100 crore nung chuba ama lir aser tan-a `Bajrangi Bhaijaan` ajanga mapang tatsütiba tsüngda nung sen crore 100 aazükogo aser ano aika aazüktsü imlar.

Iba film sayaba sülen anogo asem tsüngda 100 crore club nung züngsemogo. Iba film ya Eid nung saya aser Bollywood ajungai kanga sapua agizükogo.

“Bajrangi Bhaijaan ajanga Hokolbar 27.25 cr, Honibar 36.60 cr, Deobar 38.75 cr. Ajak senteper: 102.60 cr.” ta trade analyst, Taran Adarsh-i Twitter nung metetdaktsü.

Salman-i taoba film ‘Kick’ nunga otsü tasen ka yanglu aser ibaji film sayaba anogo nung sen crore 26 aazükba liasü.

Hombar nü Uttar Pradesh sorkari “Bajrangi Bhaijaan” film atema saru kecha magitsü telemtetba agiogo.

Tanü film director Kabir Khan-i UP Chief Minister Akhilesh Yadav den ajurutepa senden ka agi aser iba mapang film tax free kümdaktsütsü lemtet, ta sorkar otongdar kati ashi.

Sorkari UP nung film yangluba maparen ajungmesotsü atema telemtetba agiogo aser iba atema film policy tajung ka yangluogo, ta Chief Minister-i tanü metetdaktsü.

Tesüiba küm asem tsüngda iba film policy ajanga producer aika ajungmesogo aser maneni tasüngdanger aika lir, ta Akhilesh Yadav-isa ashi. Sorkari UP nung film city ana yanglutsü sentong lir ta paisa shisem.