Salman Khan’er ‘Bajrangi Bhaijaan’ kanga junga sayaogo

New Delhi, July 17 (Agencies) : Eid nung sayaba Salman Khan film “Bajrangi Bhaijaan” tanü yimti balala nung nisung aikati reprangogo.
Iba otsü ya Pawan Kumar Chaturvedi (Salman)-i Pakistan nunger tila tanur ka lar linüki anir aoba lir.
Film nung Kareena Kapoor Khan, Nawazuddin Siddiqui aser tanur actress Harshaali Malhotra nungertemi shilem agir.
Iba film ya Eros International Media Ltd ajanga belenshir aser parnoki ashiba agi linük tesem balala nung nisung aikati film pelaa agizükogo.
Linük yimtiba New Delhi nungbo film sayudak ajak nung nisung mesemi sentep aser mezüng anogo asem indang ticket ajak yokdokogo ta parnoki ashi.
“Onoki anogoshi show 35 ben sayutsü. Anepdang nungi onoki minute 20 shia show ka sayur aser item mapang ajak nung nisung sünga sentep” ta Spice World nung Mall & Multiplex General Manager, Rakesh Warikoo-i osangbener dang ashi.
Wave Cinemas nung General Manager, Yogesh Raizada-i ashiba agi film kanga junga agizükogo aser asüng nikongtsütsü Eid namaaz agiba sülen nisung timba adenshitsü.
Tanü tanga film ka danga mesaya aser iba jagi multiplex aika nung Salman-i shilem agiba film dang sayu.