Salman sülen anidaka, Bindra Rio Olympics ambassador akümer

New Delhi, April 29 (Agencies): India tenüng nung Olympics gold medal agizüker asayar kija, Abhinav Bindra-i India’er 2016 Rio Olympics goodwill ambassador inyaktsü renemba osang ka tanü, Hokolbar nü metetdaktsüogo.
Bollywood actor, Salman Khan goodwill ambassador shimba ajanga tashishitsü ken o adokba sülen India’er tebur prangpong toktepa kashishir, Bindra-i India’er ambassador akümtsü onük agizüka ambassador akümer lir.
Ano külen, Indian Olympic Association (IOA)-i cricket asayar mongin, Sachin Tendulkar aser nungtugu kentener, AR Rahman na danga goodwill ambassador inyaktsü asüngdangba osang angazükogo saka tenati tanü tashi telangzüba magütsüi lir.
“Kü nem maongka tulu agüja India’er Olympics ambassador inyaktsü asoshi IOA-i asüngdangba onük agizüka, ni ambassador inyaktsü mulungba osang metetdaktsüogo,” ta Bindra-ia metetdaktsü.