Salt Lake Stadium, Kolkata nung FIFA U-17 World Cup final asayatsü

Kolkata, March 27 (Agencies): 2017, October 28 nung Under-17 World Cup final ya Salt Lake Stadium, Kolkata nung asayatsü aser semi-final ana Guwahati aser Navi Mumbai nung asayatsü, ta FIFA ajanga Hombarnü metetdaktsüogo.
India nung Under-17 World Cup ya October 6 nungi tenzüktsü. “Football Takes Over” omen nung ajemdaker taküm iba asayamung amungtsü. Iba asayamung nung linük 24 nungi shilem agitsü.
Salt Lake Stadium nung Final dena match 10 asayatsü.
Iba stadium nung Lionel Messi aser Oliver Kahn nungera asayadanga lir.
New Delhi, Goa, Navi Mumbai, Kochi aser Guwahati nung asayatsü aliba tesemtem, FIFA aser Local Organising Committee nungi ketdangsür 21-i repranga jajaogo.