Sam Smith billionaire kümogo

October 31, 2015: 2014 küm Sam Smith World Ltd company ajanga sen pound 1,049,277 aaba sülen kentener Sam Smith millionaire akümba official süa metetdaktsüogo.
Sam Smith angutsü aliba ajak agi sen pound 865,577 aser teka nung sen pound 183,700 lir ta official documents ajanga sayuogo aser bill ajak agütsür külen pa tajangzük sen pound 22,908 adoker, ta femalefirst.co.uk ajanga metetdaktsü.
Sam Smith World Ltd company ya pa kija indang lir aser iba ya 2013 December nung lapok.
Arishi küm 23 tain, Sam indang mezüng kensep “In The Lonely Hour” takok anguba pelatepa aliba mapang ano company ajanga yaküm dang nungia taküm tajangzük timba bentsür arutsü imlar adar.
Pa indang kensep million 9 yokogo aser pa kentena jajaba nunga kanga takok ngua liasü.