Sam Smith-i Global Awards sentong nung ken atentsü

London, December 21 (Agencies): Kentener Sam Smith aser British nunger rock band Kasabian-i mezüngbuba Global Awards sentong nung ken atentsü.
Deobarnü radio brand Global-i tenzükba sentong nung radio stations balala sabang ka nung longjemer music, entertainment aser news nung tajungtibapurtem nem sempet agütsütsü.
Smith aser Kasabian-i March 1, 2018 nü London nung aliba Hammersmith Eventim Apollo nung shilem agitsü, ta femalefirst.co.uk ajanga metetdaktsü.
Kasa sentong nung Rita Ora, Andrea Bocelli aser Martin Garrix nungeria shilem agitsü.
Global Awards balala atema public aser industry experts napronglai vote agüja shimtsü.