London, September 08 (Agencies): Britain nunger arishi küm 23 tain Sam Smith-i tesüsaba James Bond film, ‘Septre’ indang omen ken mejema atenba osang jangjaogo.
Pai 24 buba Bond film, Septre indang omen ken mejema atenba osangji olulu dang lir ta taoba mapang metetdakja aruba sülen Smith-i iba film indang omen ken mejema atenba osang tejangja tanü metetdaktsü.
“Ni ken mejema atentsü tenzüker tanü tashi nung Spectre film omen ken mejema atentsü maongka anguba ya ni asoshi takok tulu anguba lir,” ta Smith-i Twitter ajanga sangoktsü.
‘Writing’s On the Wall’ ta ajaba Spectre omen kenji taküm January ita record asü saka iba osangji alima dang memtetdaktsüi arur külen tan ang mezüngsüa yimjak nung metetdaktsü.
“‘Writing’s On the Walk’ film kenji taoba mapang Grammy Award agizüker, Jim Naples den külemi lungjemer minute 20 shi agia mejema yanglu,” ta mezüngsüa adokba ‘In the Lonely Hour’ kensep takok tulu ngua mejema atensang, Smith-i metetdaktsü.
Smith dak alaka, Adele, Paul McCartney, Madonna aser Shirley Bassey nungeria taoba mapang yangluba Bond film indang omen ken mejema atenba osang bushiteta lir.
Daniel Craig-i tan agi 4 benbuba atema James Bond ama tongti shilema agiba Spectre film ya Britain nung taruba October ita 26 nü sayatsü renema lir.
You must be logged in to post a comment Login