Sam Smith-i tesüsaba James Bond film omen ken sayaogo

London, September 28 (Agencies): Britain nunger kentener, Sam Smith-i tesüsaba James Bond film, ‘Spectre’ indang omen ken, ‘Writing’s On The Wall’ sayaogo.

Alima ajunga nung nüburtemi kanga dang yongyaseta ata lir külen, arishi küm 23 tain Smith-i taoba mapang Grammy sempet agizüker Jimmy Napes den külemi lungjemer mejemba ‘Writing’s On The Wall’ ken ya tan sayaogo.

Tesüiba mapang, 1965 nung Tom Jones-i mejema atenba sülenbo Smith ya James Bond omen ken mejema atener mezüngbuba Britain nunger kentener akümer lir.

“I’ve been here before’ But always hit the floor’ oren agi tenzükba Writing’s on the wall ken ya minute 4 ser second 38 talang aliba osang jangjaogo.

Taoba mapang nung Grammy sempet agizüker kentener, Smith-i James Bond film omen ken ya Twitter ajanga sayatsü ta BBC osangia metetdaktsü.

“James Bond 2015 film, Spectre indang omen ken, Writing’s On The Wall http://po.St/WOTWsp nung sayatsür,” ta shia, pa pusemer ajungai pa nungita ajungmesoba atema pelaba olen ka Smith-ia metetdakja liasü.

Daniel Craig-i tan agi 4 benbuba atema James Bond ama shilem agiba Spectre film ya London nung taruba October ita 26 nü mezüngsüa sayaba sülen US nung taküm November ita 6 nü aser India nung November ita 20 nü sayatsü sentong renema lir.