Samajwadi Party-i CAB anema vote agütsütsü: NESO

New Delhi, February 11 (Agencies): North East Students’ Organisation (NESO) lennirtemi Hombarnü New Delhi nung Samajwadi Party lennir aser Rajya Sabha züngsem Javed Ali Khan den ajurutepa Citizenship Amendment Bill anema noktaktsü ayongzük.
Iba mapang Samajwadi Party MP Khan-i Rajya Sabha nung CAB benokra, iba bill anema vote agütsütsü ta nangzük, ta NESO-i ashi.
Iba ashishitep aketba bill reprangshimtsü atema tentetba Joint Parliamentary Committee nung Javed Ali Khan züngsema lir.
NESO-isa Bahujan Samaj Party (BSP) züngsemtem den ajuruteptsü.
BSP-SP teyari agia Rajya Sabha nung CAB benoka agizüktsü ta BJP-i taoba mapang osang ka metetdakja lir.
North East Students’ Organisation (NESO) lennirtemi political party lennirtem CAB anema vote agütsütsü atema ayongzüka senzür. Tang tashi nung parnoki JD (U), SP, Shiv Sena aser Rahul Gandhi den ajurutepogo.
NESO-i northeast nung CAB anema lungkak aitba nung shilem agia arur. Iba bill ya Act ka kümra, Northeast nung lisopurtem ayipdoktsü aser NE indang sobaliba aser inyaksangshitem samatsü ta NESO-i ashir.