Samar aliba Indonesia army helicopter den osang agitetdar

Jakarta, November 27 (Agencies) : Indonesia army helicopter ka den November 24, 2016 nü Borneo asetkong ajanga aoba mapang nungi osang magiteti aliba Deobarnü osang agitetogo, ta military otongdar kati ashi.
Samar aliba helicopter nungi army sang jangi ELT (emergency locater transponder) signal agizükogo, ta military otongdar Brig. General Wuryanto-i Xinhua news agency dang ashi.
Pai ashiba agi, iba helicopter nung pilot dena nisung pungu liasü.
Iba helicopter ya North Kalimantan province len Indonesia aser Malaysia arrtsü anükba sepaitem atema nüngdakba osettem bener lia sama.
ELT signal jagi satellite dang helicopter tsükoker aliba tesem sayur.