SAMARO Ao Gospel Concert

Asenok Nagaland nung kin aika talisa asen Aoertem, Samaro Kentener telok ajanga küm aika parnok ken ajanga tanela nung temoatsü jenti ngua arudar. Lokti tentet balala, kija kibong balala, Arogo balala etc. item amala telok ajanga tanela nung temoatsü anguba kuli tejanga jenti lir… Atangji tanübo joko memetet parnok (SAMARO) telok tenteter küm 25 (Silver Jubilee) ajunga aruba osang angashia kanga pelar. Ano parnok teloki koba Ao  Gospel concert ka Kohima nung ‘KüM TASEN NUNG YISU DEN’ ta ser Jan 14, 2016 nü parnok Jubilee mong nüngtem nung ayongzüka lir, iba osanga angashia parnok tenüng asanger. Anungji, asenok nüburtemi parnok Jubilee mong takok tulu nung amongtsü mechi aser küm tasen nung na aser asen kibonga iba kenten sentong nung shilem agiba ajanga temoatsü tulu angutsü asenoki asen sarasadem aser rongsen ajanga yaritepdi.