Samaro telok küm 25 ajunger

Dimapur,June 20 (TYO) : Tsüngrem ken mejema atener Samaro telok tenteter küm 25 taküm 2017 küm ajunger aser iba takok asoshi Tsüngrem nem tenüngsang agüja nübortem den pelatepba sentong tesem balala nung agia odagi.
Iba tenüngsang agütsüba sentong ka tan June 24 nikongdang 6:00 ako nungi Mokokchung Town Baptist Arogo tenla kidang akatsü sentong renema lir. Iba tenüngsang agütsüba kenten benjong sentong nung tsürabur aser lanurtem ajak arua adentsü pelashishia jaoker ta sentong ayongertemi metetdaktsüogo.
Ano, MTBA nungsa June 25 Deobar temoatsü sentepa Samaro telokisa bendanga agitsü renemdagi.