Samson film ajanga Khristanpur nem lesson tajung sayutsü: Scott

Tsüklai 01, 2018 (Agencies): Samson film ya sayatsü kanga yongyar, ta Pure Flix indang CEO, Michael Scott-i ashi. Iba film ya Tsüklai 16 nung sayatsü. Iba film ajanga Khristanpur dang tongtibang lesson sayutsü imlar, ta Scott-i ashi. Samson ya Laishiba nung kanga tashi tait aser Tsüngremi shimtetba nisung ka lir. Iba film nung tebur tajung tetsür kati Samson ya puar ashiokja tsükchirtemi apuba indang angutsü. Aser pai Tsüngrem dang tashi meshi. Tsüngremi pa nem tashi agütsü aser tenük poktsür tepuokdak yua liaka pai takok angu.
Iba film nung Taylor James-i Samson ama shilem agitsü aser iba film ya Bruce Macdonald aser Gabriel Sabloff nati direct asü. Iba film nung tebur tajung tetsürla Delilah shilem ya Caitlin Leahy-i agitsü. Iba film nung Rutger Hauer aser Lindsay Wagner nungeria tongti shilem agitsü. Hauer aser Wagner na ya Samson indang tsürabur Manoah aser Zealphonis na ama shilem agitsü. Iba film nung mapa tamajunger inyaker ya Billy Zane aser Jackson Rathbone na alitsü. Zane ya Balek chuba aser Rathbone ya Rallah ama shilem agitsü.
Iba film ya South Africa nung tangok aser Pure Flix den longjemer alima ajunga nung aliba nüburtem Khristan yimsü tsütsüi anir arutsü nükjidong nung yanglu. Iba Pure Flix company ajanga taoba mapang nunga God’s Not Dead 1 & 2 aser The Case for Christ amala Khristan movie tem yanglua lir.