Samsung Galaxy S10 o Galaxy S10e jenjang sangdongogo

Tsüklai/February 23 (Agencies): Samsung India-i February 22 Hokolbarnü Galaxy ‘S10’ jelia mekaa ayutsü atema lapoktsüogo aser smartphone series jenjang ya sen 55,900 agi tanzüka angutsü.
1TB aketba Galaxy S10+ smartphone jenjangji sen 1,17,900, S10+ 512GB aser 128 GB storage variant jenjang sen 91,900 aser 73,900 asütsü.
Galaxy S10 512 GB variant jenjang sen 84,900 asütsü aser aji prism white sentsü nung angutsü. Ano külen, 128 GB variant ya prism black, prism white aser prism blue sentsü nung sen 66,900 agi angutsü.
Item smartphone rongnung jenjang dalangtibaji, Galaxy S10e asütsü. Iba handset ya 128 GB storage variant den prism black aser prism white sentsü nung angutsü aser handset jenjang sen 55,900 asütsü.
“March 5, 2019 nü tashi customer temi Samsung website, Flipkart, Amazon, Paytm, Tata CLiQ aser teshimtet retail outlet tem ajanga Galaxy S10 smartphone tem jelia mekaa yutettsü. March 8 nungi tenzüka Galaxy S10+, Galaxy S10 aser Galaxy S10e smartphone tem angutsü,” ta company-i ashi.
S10+ indang 1TB aser 512GB variant ya ceramic white aser ceramic black sentsü nung angutsü, kasa mapang 128GB variant ji prism black, prism white aser prism blue sentsü nung angutsü.
Galaxy S series tasenba nung cinematic Infinity-O Display, pro-grade camera, wireless “PowerShare” aser in-display ultrasonic fingerprint scanner (Galaxy S10+/S10) tem keta aliba angutsü.
Costumer shirnoki Galaxy S line jelia mekaa yudir parnok nem sen 9,999 alang Galaxy Watch mesüra sen 2,999 alang Galaxy Buds ana rongnung mashi ka shimtettsü atema maongka agütsütsü, ta company-i ashi.