Samsung Galaxy S9 aser S9+ Tsüklai 26 nü sayatsü

Aenjeti 16, 2018 (Agencies): Osang ka ajanga ashiba agi, Samsung pur-i parnok indang smartphone, Galaxy S9 aser S9+ na Tsüklai (February) 26 nü Barcelona nung Mobile World Congress (MWC) 2018 nung sayatsü. Iba smartphone ana nung ya Qualcomm 845 SoC (US nung) aser UK o India nung latest Exynos chipset keter angutsü. Iba phone ana jenjang ya Galaxy S8, aser Galaxy S9 nunger den medemdangra 60,000 shi asütsü aser Metsüremi (March) nungi angutsü imlar.
Inyakyim aser camera nung temelenshi tera aliba dak alaka S9 aser S9+ ya tang aliba Galaxy flagships tem den kasa dang asütsü imlar. Iba phone ana ya IP 68 dust aser water resistant asütsü. Samsung S9 nung 5.8 inch QHD+ Super AMOLED curved display den 570 ppi pixel density keta aliba angutsü aser kasa mapang nung S9+ nung 6.2-inch display ka keter angutsü. Phone anaprongla nung operating system ji Android 8.0 asütsü.
Galaxy S9 nung 4GB RAM aser S9+ nung 6GB RAM keta lir. Phone anaprongla nung 64GB internal storage keter angutsü imlar, koba expandable memory card ka amshia 256GB tashi atsülanga amshitettsü. Ajisüaka ano Samsung pur-i 128GB mesera 256GB storage variant nunga iba phone ana ya sayatsü akok.
Qualcomm Snapdragon 845 keta aliba ajanga iba device yagi Gigabit LTE connectivity support asütsü. Camera tsütsü iba phone reprangdangra, S9 nung tesülen camera 12MP den OIS keta lir aser plus variant nunga ya iPhone X nung keta aliba ama vertical dual-lens setup ka tesülen keta aliba angutsü.
Maneni Samsung S9 aser S9+ nung wireless charging den USB Type-C keta aliba angutsü. Samsung pur-i 3.5mm headphone jack maneni iba phone ana nung ya amshia lir aser AKG earphones angati agütsütsü.
Battery tashiji S8 aser S8+ den kasa dang asütsü. S9 nung battery tashiji 3,000 mAh aser S9+ nung 3,500 mAh asütsü.