Samsung-i A7 aser A9 nung camera 3-4 aketba smartphone sayatsü

New Delhi, Rongjui/September 19 (Agencies): India nunger Market nung China nunger phone camera den toktepa Samsung-i tang mezüng tesülen camera asem aketba smartphone A7 aser tesülen camera pezü aketba A9 sayatsü.
Industry osang ka ajanga ashiba agi, “A7” smartphone ji sen 30,000 dang nungi tajemba asutsü aser iba phone ji tan hopta sayatsü.
Samsung-isa tesülen camera pezü aketba smartphone A9, Malaysia nung Mongputeni/October 11 nü sayatsü, aser iba jenjangji 30,000 dak tema asütsü.
Samsung indang mezüngbuba camera asem aketba phoneji Galaxy S10 Plus asütsü, ta olulu jembia liasü, ajisüaka tang iba osangji tai liasü, ta jangjar.
IT and Mobile Communications Division, Samsung Electronics CEO aser President, DJ Koh-i taoba ita India semdanga liasü, aser pai ashiba agi, company-i taruba benjung mongpu atema mid-price segment smartphones sayatsü, ta metetdakja liasü.
Koh-isa, India nung October-December itatem ya company market atema tongtibang itatem lir, aser item itatem nung phone tasen kar sayatsü, ta metetdaktsü.
“India nung customer tem mulung asütsüsa mid-segment jenjang phone aika adoktsü,” ta pai Gurugram yimti nung Samsung Galaxy Note 9 sayaba sentong nung metetdaktsü.
Indian smartphone market nung Samsung-i temba jenjang tongogo aser taküm second quarter nung Xiaomi dang nungi shilem 29 agi timba yokteta liasü, ta tawa Counterpoint Research osang ka ajanga metetdaktsü.
Kasa osang ajanga ashiba agi, Galaxy J series ajanga South Korea company Samsung-i temaba jenjang tongtet.
Taküm mezüngbuba ita asem nunga India nung Samsung-i smartphone market nung shilem 50 shi jungnüa yoktet.