Kuala Lumpur, February 6 (Agencies): Smartphone yanglur company tulutiba, Samsung Electronics-i kanga nüngtugu, Galaxy A-series smartphone tem aina aser merang design tem nung selfie tangoktsü atema tali tajungba kuma melenshir sayaogo.
Sim anana aiba A-7 aser A-5 smartphone tem nung temelenshi terara keter yanglua sayarba lir. Tan sayaba phone tem nung aliba battery temji tanga series phone tem nung aliba dang nungi noklang nung shilem 25 agi tashi taitba lir aser selfie agitsü asoshi tajungba lir.
“Smartphone tasen Galaxy A7 aser Galaxy A5 naprong ya aina aser merang design den camera tajungba aser battery tashi taitba keta yanglu. Item phone nung octa-core processor enoka lir koba ajanga file aika tashi ita amshitettsü,” ta Samsung India Electronics, mobiles business nung director Manu Sharma-i ashi.
“Galaxy A7 aser Galaxy A5 ajanga tanga phone dang nungi selfie temelaba aser tajungba agitettsü. Phone tejaklen aliba cmera nung `palm gesture selfie` aser `wide angle selfie` feature tem lir,” ta pa shisem.
Phone anaprong tesülen 13MP aser tejalen 5MP camera tem ketja lir aser ibaji ajanga tamshirtemi tesangwa kanga maliba tesem nunga noksa kanga merüka aser sangwa tangokteter. Camera nung Optical Image Stabilization (OIS) keta lir aser ibaji ajanga noksa ‘blur’ mesüdaktsür.
Phone tereprangtsü ajungba dang masü saka HD video tema kanga sadema reprangteter, ta Sharma-i ashi.
A7 tasenba nung 3,300mAh aser A5 nung 2,900mAh battery tem enokja lir. Battery tashi tuluba enoktsüba dang masü saka item phone nung aliba battery temji kanga kara charge süteter.
LTE Cat6 ajanga downlink speed 300 Mbps tashi kara kümdaktsür.
“Oset ajungba yari sen jenjanga ataktetja lir. Galaxy A7 tasenba ya sen 33,400 aser A5 model ji sen 29,400 agi ayoktsü. Item phone tem ya online aser offline ajak nung talitsü angutsü,” ta Sharma-i metetdaktsüogo.
You must be logged in to post a comment Login