Samsung-i sü ashiba kol tasen saya

Hyderabad, June 7 : Nüburtem sü ashidang mapa zübatsü atema Samsung India-i tejalen nungi aser azüklen nungi süoshi inokba, ActivWash+ model süshiba kol sayaogo.
Süshiba kol tasenba ana ya ajanga market nung takok angutsü aser pa sasa mapa inyakba kol tsütsü tongtibang company akümtsü onoki imlar, ta company sangdong ka ajanga metetdaktsü.
Parnokisa ‘crystal’ tarensen nung model tasen pongu aser  “K” Series nung ka ta sayaogo.
Item süshiba kol tesentem ya sen 19,500 nungi sen 35,000 alangtem lir.
Consumer Electronics, Samsung India Electronics nung Tatong Tir, Rajeev Bhutani-i, ActivWash+ ya Make for India inyakyim kübok Samsung-i inyaktetba temaitsü asütsü, ta ashi.
“Iba oset ya R&D aser design asürtemi bushisüngdanga inyakba sülen India nung süshiba kol küma purateta yanglu aser iba ya ajanga sü ashiba tsütsü mapang kanga ayonga kümdaktsütsü,” ta pai ashi.
Sü ashiba tiyalong nung süoshi kar inoksemnera ‘AddWash’ inyakyim ‘Add Door’ ajanga inoksemtettsü. Iba den külemi sü teshidak nung teka agi shitokba süoshitema tzü sentoktsü atema mashi mapang nung inoktettsü.
“K” Series nung Magic Dispenser ajanga sü ashidang amshiba powder aser tzü ajak amshitsü akoker.
“Tejaklen nungi süoshi inokba keta aliba süshiba kol nung onoka ajaki metetba compangy ka akümtsü imlar,” ta Rajeev-i ashi.