Samsung Spain Galaxy Note 8 angati agi lemtsü

October 25, 2017 (Agencies): Samsung Spain puri shishilembaba tsütsü tassa tajung ka asateta Galaxy Note 8 nisung 200 nem angati agütsüogo. Osang ajanga ashiba agi, Spain nung Samsung company-i Iberia flight IB514 nung anemer parnok 200 nem Galaxy Note 8 angati agi agütsüogo. Iba tayimtsü ya Madrid nungi apusoba tayimtsü ka liasü, aser iba tayimtsü nung amenertemia parnok nem iba sempeta ya South Korean company yagi agütsütsü, ta meteta meliasü.
“Iba sentong ya onok asoshi kanga tongtibang liasü kechiaser onoki iba osang angazükba sülen tatimtsü nung amenertem tejak reprangdangnüa liasü. Ni employee tem ajak tenung nung o tatsüka jembi, aser iba mapang nung taoba ita tem nung nüburtemi company nungita yariba atema tepelaba temaitsü sayua iba phone angati agütsüba osang agüja liasü. Iba den külemi ano onoki iba mapa inyaktsü asoshi Iberia den partnership tajung ka ngutetogo, aser iba ajanga iba maparen takok nguogo,” ta Samsung Spain, Corporate Vice President, Celestino García-i ashiba osang ka ajanga metetdaktsü.
Iba sentong ya takok ngua inyaka aotsü atema Samsung company-i, Iberia airlines den longjem aser parnoki Samsung indang device ya Spain nung amenokba temaitsü tayimtsü nung amenertem nem angati agi snacks aser beverages agüja liasü. Maneni smartphone yangluba company yagi tayimtsü nung customised decoration inoka liasü.