Sandi Patty-i LIVE Farewell Recording sayaogo

Nashville, June 19 (Agencies): Grammy 5 ben tashi angur GMA DOVE Award 40 angur kentener Sandi Patty-i la indang farewell tour tenzükogo.
Küm 40 tashi lai kentenba ministry nung inyaka arudang nisung aika ajungmesogo aser temoatsü ngudaktsüogo.
Gaither Music Group-i Sandi Patti indang LIVE concert CD aser DVD tem sayatsüogo. Iba kensep tenüngji ‘Forever Grateful: Live from the Farewell Tour’ lir aser iba nung Sandi-i atenba ken tajung aika dena lir.
Kenten rongnung, “Love in Any Language,” “We Shall Behold Him,” “Via Dolorosa,” “The Old Rugged Cross,” “It Is Well with My Soul,” “How Great Thou Art” and medleys of hits such as “How Majestic Is Your Name,” “Let There Be Praise,” “Another Time, Another Place,” “I’ve Just Seen Jesus,” aser “More Than Wonderful” kentem dena lir.
“Küm aika ‘The Forever Grateful Tour’ atema sentong renema aruba sülen iba mapa tembangba atema kanga pelar” ta Sandi-i ashi.
“Taruba küm 20 mesüra 30 shi lir külen, ni kentenba ajanga Tsüngrem ajungba indang sangdongbaji ozü semchirtem nem angatetdaktsünür. Tangari kü dang nai koma bilemtetdaktsünür ta asüngdanger, aser ni teti telangzüba ka dang agütsür. Ibaji ni Tsüngrem kanga meimba tetsür ka lir, ni ozü kibong meimer aser maongka angudangbo ni iba indang ken atener” ta laisa metetdaktsü.
Christian music industry nung sempet teimtiba angurji Sandi Patty lir aser lai Billboard Music Awards 4, platinum records 3, gold records 5 aser 11 million units yoktetogo.
Gospel Music Hall of Fame nung la dang The Voice ta dang ajar aser lai final farewell program ji market 90 shi nung agi.
Iba record ya Capitol Christian Distribution aser Universal Music nati distribute asür aser general market stores o Christian marketplace ajak nung angutsü. Maneni iba record ya iTunes, Amazon aser www.gaither.com nunga angutsü.