Sandler den Barrymore-i movie ka yangluner

Metsüremi/March 30 (Agencies): Nüngtugu actress Drew Barrymore-i ashiba agi, pezüben buba atema screen (movie) nung actor Adam Sandler den longjemtsü atema yongyaseter.
Taoba mapang film asem – ‘The Wedding Singer’, ’50 First Dates’ aser ‘Blended’ nung Drew aser Adam na külemi shilem agiba ajaki jangjaa lir saka Drew-i ashiba agi, ni kokra Adam den teti movie balala yanglutsü.
Taoba co-star tem den ano tanaben shilem aginür asüng ta PEOPLE-i la dang asüngdangba mapang, arishi küm 44 tain Drew-i ”Adam Sandler den ang ni shilem aginür, kechiyong pa dak yimya, jakla aser sempet tajung aliba ni ajitetogo aser teti atema ni pa den movie nung shilem aginür,” ta ashi.
Taoba mapang, Drew-i, Katharine Hepburn, Spencer Tracy aser Adam nunger den film otsü tajung ka nung longjema shilem aginüa bilemba indang ka lemsatepa liasü.