Sandra Oh aser Andy Samberg nati 2019 Golden Globes ketdangsütsü

Luchii/December 06 (Agencies): Taruba 2019 Golden Globes sentong koba Aenjeti/January 6, 2019 nü agitsü ternemba lir, iba sentong ya Andy Samberg aser Sandra Oh nati ketdangsüa agitsü.
Arishi küm 40 tain aser ‘Grey’s Anatomy’ film nung tongti shilem agisang Andy ya taruba ita agitsü aliba nüngtugu award sentong ketdangasürtem (hosts) rongnung aniokogo, ta osang ajanga metetdakja liasü.
2019 Golden Globe award sentong ya Beverly Hills, California kübok The Beverely Hilton tesem nung Aenjeti 6, 2019 nü agitsü.
”76th #GoldenGlobes! Sentong nung Andy Samberg aser Sandra Oh nati külemi ketdangsür shilem agitsü osang sangdongba atema onok kanga pelar,” ta Golden Globes Twitter ajanga lemsatep.
NBC Entertainment, co-chairmen Paul Telegdy aser George Cheeks, shirnoki iba sentong osang sangdonga liasü, tenati Andy aser Sandra nem tenüngsang agütsü.
Taoba sentong nung Andy aser arishi küm 47 tain nati Golden Globe award ngua lir. 2006 küm ‘Brooklyn Nine-Nine’ atema Andy-i award ana aser ‘Grey’s Anatomy’ atema Sandra-i award ngua liasü.
Tawa, actor Idris Alba’er jala Isan (16), 2019 Golden Globe Ambassador shimba osang sangdongba sülen, iba sentong atema Andy aser Sandra nati ketdang asütsü osang metetdakja liasü.