Sangdonger

GPRN/NSCN kübok Ao National workers ajak senden ka mena,Tir Yimyim Adok (322) September 09, 2015 nung,”memetetba telok GPRN/NSCN nem saru aser donation tagütsü” ta NSCN(IM) Ao Region Caretaker (Maj.Rtd) Maong Ozüküm ajanga sangdongba dak sendakba nung yamai rajemtsür’ GPRN/NSCN ya President (Gen Rtd.) Khole Konyak aser General secretary N.Kitovi Zhimomi nati anir Naga nunger temeja asoshi nüchiso bushiba Government ka lir.
Tesüiba kümtem nunga NSCN IM-i Ao Senden temzüng anemer telok ta shia GPRN/NSCN Ao national workers aika Mokokchung district nung tetsüng ajemoker tashi pudena senchi chiogo, Aoer O Aoer na arishitepba agi Naga nunger nüchiso bushiba wadang nung kecha teyari magütsür, tangar Naga kin sanger ajak jungtepba liteter Aoer dang kechi balaka tsükchiteptsü ali. Ao lima tensa mejungiang Naga lima ajungtsü bilemdima’ ta tangatetba nung Aoer atema mapang tajung kabosa arutsüar ta ata lia arougo.’
Küm ishika tsüngda nung Aoer GPRN/NSCN nung inyaker aika kümoko, koba telok nung südir süang, kechi mapa nung südir süang asen Aoer tajangzük atema aser Aoer tangar küboki maitsüsa litetsü ajungshiteptsü mapang ka’ aser yimlar, tajung tangatetba lemang nung teti temoatsü alitsü”
Asen Aoer-i saru mesüra donation agütsüang, tagütsü Government inyakyimbo maneni aotsü’ saka eshika danga süang aika ta süang tenla aser saru agütsüba jagi asen Aoer tangar kin tsüngdang tejak tali tenteter, aser temeimtep nung kati ka dak yimlatepba temaitsü sayur.Memelonger kati magütsünü yong temelonger asoshi shibai nokdangtsü ali. Tajungba inyaktsü asoshi GPRN/NSCN-i jangra dang lir,tamajungba atema renema dang lir, tasü maitba agi metetokteper masü,toktepba nung asen Aoersa tokoksa ajurutisung ta bilemer.
Naga kin ajak petsaperongba mapang aser makmakshimakba tensa ka nung Aoer asoshi kanga dang terenemshitsü mapang ka lir,tangatetba shisatsü tajung nüngdaker,Nagaland nung alir Naga kin ajak asoshi aser tongtipangsa asen Ao kin tejangraba aser tarutsü lanur lima asoshi Ao Region GPRN/NSCN-i meranga nokdaktsü, “tanü ajung atema masü saka nükjidong ka ataloktsü asoshi Aoertem tasü etshidi.”
GPRN/NSCN, Ao National workers ajak tenüng nung :
Moa Walling, Secy. MIP GPRN/NSCN.