Sangküm nungi Class 9 nung Financial Literacy course compulsory agitsü

Dimapur, December 20 (TYO) : Nagaland Board of School Education (NBSE)-i National Stock Exchange of India Ltd. den külemi 2016 küm Class 9 nung Financial Literacy benoka liasü.
Mezüngbuba shilem nung iba course ya Kohima, Mokokchung aser Dimapur nung teshimtet school kar nung benok aser iba course ya nüngdak ta angateta, academic year 2017 nungibo NBSE nung register süa aliba Higher Secondary School ajak nung agitsü, ta DIPR sangdong ka nung metetdaktsü.
NBSE nung register süa aliba school ajak nung Financial Literacy course ya compulsory asütsü aser ano High School kari iba course agitsü atema tejangraba lira, February 10, 2017 tashi nung Board nem osang sangoktsütsü metetdaktsür, ta sangdong nungsa shia lir.
Financial Literacy course sayutsüpurtem dang National Stock Exchange of India Ltd. ajanga training agütsütsü. Training agiba sülen graduate tesayur mashii kati course agitsü akok aser training agiba anogo aser mapangji tarutsü anogotem nung school tem dang metetdaktsütsü.