Sangküm shisaliok mapatong tasenba tenzüktsü: Smriti Irani

New Dehi, November 30 (Agencies): Tanü Lok Sabha senden nung sorkari, shisaliok mapatong tasenbaji sangküm tenzüktsü, ta metetdaktsüogo.

Hombar nü Human Resource Development (HRD) Union Minister, Smriti Irani-i, tang benoka aliba shisaliok mapatong tasenbaji sangküm nungi mapa küma inyaktsü, ta ashi.

“Shisaliok mapatong tasenba atema sorkari stakeholders densema lenla ajaklen nungi jembir latetogo. Iba maparen nung online ajanga grassroots aser national level tashi nung o lemtep kaogo,” ta lai Question Hour mapang metetdaktsü.

Irani-i ashiba agi, shisaliok mapatong tasenba atema o lemtepbaren nung gram panchayats lakh ana dak tema, block 6,000 aser yimtitem nung tentet aikati shilem agiogo.

Tasüngdangba ka langzüdang HRD minister-i Irani-i, sangküm nungi tenzüka CBSE aser state education board tem tsüngda tangatettep nung amalitepa külemi inyaktsü, ta ashi.

Laisa, ‘e-pathshala’ project ajanga class 1 nungi class 9 tashi CBSE kakettem ajak online ajanga aser mobile phone application ka ajanga angati angutsü, ta shisem.