Sangma-i 23buba NE police tongti senden lapoktsü

Shillong, June 22 (Agencies): Bodhbarnü Shillong nung Meghalaya Chief Minister, Mukul Sangma-i Northeast state tenet aser West Bengal nungi 23buba police tongti ketdangsertem senden lapoktsüogo.
Anogo ana senden nung Northeast tesem nung security tensa onüktem indang jembitsü iba den külemi state tem tsüngda aser department tem tsüngda amalitepa inyaktsü aser international arrtsü onüktem nung jembitsü, ta police sangdong ka ajanga metetdaktsü.
Iba senden nung Meghalaya, Assam, Sikkim aser Nagaland nungi IB Spl DG, DG Narcotic Control Bureau, DGPs  aser Tripura, Manipur den West Bengal nungi ADG tem dendar, ta kasa sangdong ajanga ashi.
Iba senden ya Shillong nung mezüng ayonga akaba sülen tesüiba küm 24 tsüngda Shillong nung tang agi iba senden tibenbuba ayonga akar.