Sangma’er jabaso Conrad NPP Tir shimogo

New Delhi, March 16 (Agencies): Bodhbarnü taoba mapang Meghalaya Finance minister, Conrad K. Sangma National People’s Party (NPP) Tir shimogo.
Conrad tebu asür Purno Agitok Sangma melena pa shim. New Delhi nung national working president, Arvind Netam mendenbuba ser party general senden ka amendang Central executive committee züngsemtem aser general body züngsemtemi Sangma’er jabaso tanubosang, Conrad K. Sangma NPP Tir asütsü shim.
Osangbenertem den jembidang NPP otongdar, James Sangma-i, “Party ka ama onoki Conrad Tir tasenba shim, kechiyong ozü lenir asür (PA Sangma) indang nükjidong aser mangdang ataloktsü atema onoki pa lenisüba nung tamang akar,” ta ashi.
James-isa, asür Sangma-i sangdonga aliba ama onoki taruba ita Assam assembly election nung tokteptsü, ta ashi.
Taoba mapang Chief minister aser Lok Sabha Speaker, P A Sangma ya March 4, 2016 nü New Delhi nung par kidang temulungjang tashitak ajanga asü. Pa arishi küm 68 liasü.
2012 küm P A Sangma-i Nationalist Congress Party toktsüba sülen NPP tenteta liasü.