Sangro mapang

– N. Saku Imsong, 4th Mile, Diphupar, Dimapur
Oh mapang nabo ali pokli nungi kodanga melenshitsü makok oh mapang. Alima nung alir ajak dang nungi nasa takatiba ani oh mapang.
Oh mapang oda lokti noklang aikati nü dang parnok sentong tenzüktsü atema nü mapang nungi eg 10 paji ta lemtetra na kecha terata mali nai telok ajak nemji iba mapangji agütsüteter oh mapang. Ano telok meyi pungu terok tashi agi 10 pajisa meshiyonga na kecha terata mali oh mapang.
Saka oh mapang oda nai ano shinga tsübua mali oda USA Presidentbai High common order agüja mapang, ano onok nüngdak mateter, anungji na ken ata-a liang ta asüyong nai angatsü makok oh mapang. Oda Whole World International sentong tulutiba renemer atenshiyonga parnok ano marusepji ta sür nai atatsü makok oh mapang.
Oda na ya onsera ochishir, nai takar, sensaker, lokti tulu, tila ajak den na kesa dang oh mapang. Küm aser anogotem ajak nü tsüngsü nung dang jajatsüsa akümer oh mapang.
Oh mapang oda nenok Sec, Mnt, Ghonda telongjem yabo kecha agia loksatsütsü makoktsü oh mapang.
Oh mapang nür asem yabo, tebu, techir aser tanüla temeshi asem den kesa danga ni oh mapang.
Oh mapayng aya oda nü dak aketba jakla liro ya züluti asünung Alima nung aliba paper nungbo mezülumatsü oh mapang. Oda tatümsa ozü meimchirtemea na mai shingatsütsü shia masü ochi nung indang indanga inyaktet asübo kodak majangzüktetera alima nungbo jangratema lila nee ta nü chilo nükshia na asanger. Oh mapang, mapang.